1Jo 5 | AAK | STEP | Ámá “Nene yeáyí̵ neayimɨxemeaní̵a nánɨ Gorɨxoyá dɨŋí̵ tí̵nɨ arí̵owayá xwí̵á piaxí̵yo dánɨ iwiaroní̵oyɨ rarɨŋwáo Jisasorí̵anɨ?” nɨyaiwiro dɨŋí̵ wɨkwí̵roarɨgí̵á gɨyí̵ gɨyí̵, ayí̵ niaíwí̵ Gorɨxo xegí̵ emeaŋí̵yí̵nɨŋí̵ imónɨgí̵áyí̵rɨnɨ. Ámá xano Gorɨxomɨ dɨŋí̵ sɨxí̵ uyarɨgí̵á gɨyí̵ gɨyí̵ xegí̵ emeaŋí̵yo enɨ dɨŋí̵ sɨxí̵ uyarɨgí̵árɨnɨ.

1 John 5

“Dɨŋí̵ wɨkwí̵roarɨgí̵áyí̵ xegí̵ tɨmeaŋí̵yo dɨŋí̵ sɨxí̵ uyarɨgí̵árɨnɨ.” urɨŋí̵ nánɨrɨnɨ.

1 Ámá “Nene yeáyí̵ neayimɨxemeaní̵a nánɨ Gorɨxoyá dɨŋí̵ tí̵nɨ arí̵owayá xwí̵á piaxí̵yo dánɨ iwiaroní̵oyɨ rarɨŋwáo Jisasorí̵anɨ?” nɨyaiwiro dɨŋí̵ wɨkwí̵roarɨgí̵á gɨyí̵ gɨyí̵, ayí̵ niaíwí̵ Gorɨxo xegí̵ emeaŋí̵yí̵nɨŋí̵ imónɨgí̵áyí̵rɨnɨ. Ámá xano Gorɨxomɨ dɨŋí̵ sɨxí̵ uyarɨgí̵á gɨyí̵ gɨyí̵ xegí̵ emeaŋí̵yo enɨ dɨŋí̵ sɨxí̵ uyarɨgí̵árɨnɨ. 2 Rɨpɨ nerɨŋí̵pimɨ dánɨ ananɨ dɨŋí̵ “Niaíwí̵ Gorɨxo xegí̵ emeaŋí̵nɨŋí̵ imónɨgí̵áyo dɨŋí̵ sɨxí̵ uyarɨŋwae'nerí̵anɨ?” yaiwinɨpaxí̵rɨnɨ. Xí̵omɨ dɨŋí̵ sɨxí̵ uyirane xegí̵ sekaxí̵ nearɨŋí̵pimɨ xí̵dɨrane nerane'náyí̵, ananɨ dɨŋí̵ e yaiwinɨpaxí̵rɨnɨ. 3 Xí̵omɨ aga dɨŋí̵ sɨxí̵ nuyirane'ná pípɨ epaxí̵ marí̵áɨ, xí̵oyá sekaxí̵ rɨnɨŋí̵pimɨ xí̵dɨpaxí̵ eŋagɨ nánɨ rarɨŋɨnɨ. Niaíwí̵ Gorɨxo xegí̵ emeaŋí̵nɨŋí̵ imónɨgí̵áyí̵ sɨwí̵ sɨpí xí̵omɨ paimɨmí̵ wiarɨgí̵á imónɨŋí̵pimɨ xopɨrárí̵ wiarɨgí̵á eŋagɨ nánɨ xí̵o sekaxí̵ nearɨŋí̵pɨ nene nɨxí̵dɨrane'ná ayí̵ rí̵á tí̵ŋí̵ xí̵dɨpaxí̵ wí mimónɨŋí̵pɨrɨnɨ. Rɨpɨnɨ nerí̵ná sɨwí̵ sɨpí Gorɨxomɨ paimɨmí̵ wiarɨgí̵á imónɨŋí̵pimɨ xopɨrárí̵ wiarɨŋwárɨnɨ. Jisasomɨ dɨŋí̵ nɨwɨkwí̵rorɨŋí̵yo dánɨ apɨ yarɨŋwárɨnɨ.

“Dɨŋí̵ wɨkwí̵roarɨgí̵áyí̵ sopɨŋí̵ Gorɨxo wóí̵pɨ arí̵á wiarɨgí̵árɨnɨ.” urɨŋí̵ nánɨrɨnɨ.

5 “Ámá sɨwí̵ sɨpí Gorɨxomɨ paimɨmí̵ wiarɨgí̵á imónɨŋí̵pimɨ xopɨrárí̵ wiarɨgí̵áyí̵ gɨyí̵rí̵anɨ?” mɨyaiwipanɨ. Ámá “Jisaso niaíwí̵ Gorɨxoyáorí̵anɨ?” nɨyaiwiro dɨŋí̵ wɨkwí̵roarɨgí̵áyí̵ ananɨ xopɨrárí̵ wiarɨgí̵áyí̵rɨnɨ. 6 “Niaíwí̵ Gorɨxoyáorí̵anɨ?” oniaiwípoyɨnɨrɨ iniɨgí̵yo wayí̵ mearɨ nɨperí̵ná ragí̵ purɨ eŋo, ayí̵ Jisasɨ Kiraisorɨnɨ. O “Gorɨxomɨ xewaxorí̵anɨ?” oniaiwípoyɨnɨrɨ nánɨ nerí̵ná wayí̵nɨ meaŋí̵manɨ. E oniaiwípoyɨnɨrɨ wayí̵ mearɨ xegí̵ ragí̵ purɨ eŋɨnigɨnɨ. 7 Gorɨxoyá kwíyí̵pɨ nɨrɨrí̵ná nepánɨ rɨpaxí̵pɨ eŋagɨ nánɨ negí̵ xwioxí̵yo dánɨ áwaŋí̵ re'nɨŋí̵ neararɨŋí̵pɨ, “Kiraiso apiau' nerɨŋí̵pimɨ dánɨ xewanɨŋo nánɨ sɨwá neainɨmɨnɨrɨ eŋí̵pɨ, ayí̵ neparɨnɨ.” neararɨŋí̵pɨ arí̵á owianeyɨ. 8 Ayɨnánɨ “Jisaso Gorɨxomɨ xewaxorí̵anɨ?” yaiwianɨ nánɨ sopɨŋí̵ neawarɨŋí̵ biau' bɨ, ayí̵ rɨpiau' rɨpɨrɨnɨ. Kwíyí̵pɨ neararɨŋí̵pɨ tí̵nɨ iniɨgí̵yo wayí̵ meaarí̵ná imónɨŋí̵pɨ tí̵nɨ xegí̵ ragí̵ nɨpurɨ pe'áná imónɨŋí̵pɨ tí̵nɨ biau' bɨ imónɨŋí̵ apɨrɨnɨ. Apiau' apɨ sopɨŋí̵ nɨneaorí̵ná xegí̵ bɨ xegí̵ bɨ oyaiwípoyɨnɨrɨ neaíwapɨyarɨŋí̵manɨ. Axí̵pɨnɨ oyaiwípoyɨnɨrɨ neaíwapɨyarɨŋí̵rɨnɨ. 9 Ámá pí pí nánɨ sopɨŋí̵ neaóí̵ápɨ ananɨ arí̵á wiarɨŋwárɨnɨ. Ayɨnánɨ Gorɨxo sopɨŋí̵ neaóí̵pɨ seáyɨ e imónɨŋagɨ nánɨ apɨ enɨ arí̵á owianeyɨnɨrɨ seararɨŋɨnɨ. Gorɨxo xewanɨŋo sopɨŋí̵ neaóí̵pɨ, ayí̵ pípɨ nánɨ marí̵áɨ, ayí̵ xegí̵ xewaxo nánɨrɨnɨ. 10 Gorɨxo xewaxomɨ dɨŋí̵ wɨkwí̵roarɨgí̵á gɨyí̵ gɨyí̵ o xegí̵ xewaxo nánɨ sopɨŋí̵ wóí̵pɨ wigí̵ xwioxí̵yo dánɨ “Aga neparɨnɨ.” yaiwiarɨgí̵árɨnɨ. E nerɨ aí Gorɨxomɨ dɨŋí̵ mɨwɨkwí̵roarɨgí̵áyí̵ “O sopɨŋí̵ neaóí̵pɨ nepamanɨ.” nɨyaiwiro nánɨ re'nɨŋí̵ urarɨgí̵árɨnɨ, “Yapí̵ rarɨŋí̵yí̵ woxɨrɨnɨ.” urarɨgí̵árɨnɨ. 11 Xwɨyí̵á Gorɨxo sopɨŋí̵ neaóí̵pɨ, ayí̵ rɨpɨrɨnɨ. O dɨŋí̵ nɨyɨmɨŋí̵ imónɨŋí̵pɨ rɨxa neaiapɨŋí̵rɨnɨ. Dɨŋí̵ nɨyɨmɨŋí̵ imónɨŋí̵ apɨ nánɨ xegí̵ xewaxo mí̵kí̵ ikiŋo eŋagɨ nánɨ 12 ámá xewaxo tí̵nɨ kumɨxɨnɨgí̵áyí̵ dɨŋí̵ nɨyɨmɨŋí̵ imónɨŋí̵ apɨ tí̵gí̵áyí̵rɨnɨ. E nerɨ aí xewaxo tí̵nɨ nawínɨ mɨkumɨxɨnɨgí̵áyí̵ ayí̵ dɨŋí̵ nɨyɨmɨŋí̵ imónɨŋí̵pɨ tí̵gí̵áyí̵manɨ.

Yoparí̵pɨ nurɨrí̵ná urɨŋí̵ nánɨrɨnɨ.

13 Nionɨ seyí̵ne', Gorɨxo xewaxomɨ dɨŋí̵ wɨkwí̵roarɨgí̵áyí̵ne' “Nene dɨŋí̵ nɨyɨmɨŋí̵ imónɨŋí̵pɨ tí̵ŋwae'nerí̵anɨ?” nɨyaiwinɨro nɨjí̵á imónɨpí̵rɨ nánɨ payí̵ rɨna nearɨ mónaparɨŋɨnɨ. 14 Nene rɨpɨ nerane nánɨ Gorɨxo sɨŋwí̵ anɨŋe dánɨ wará sarí̵wá mɨmárɨní̵ newiárɨmónɨrɨ yarɨŋwárɨnɨ. Xí̵o e neaiíwɨnɨgɨnɨrɨ yarɨŋí̵ nɨwirane'ná negí̵ dɨŋí̵yo dánɨ bɨ murí̵ xí̵o wimónarɨŋí̵pɨ tí̵nɨ xɨxenɨ yarɨŋí̵ nɨwirane nánɨ “Arí̵á xɨxenɨ nɨneainɨŋoɨ.” yaiwiarɨŋwárɨnɨ. 15 “Omɨ yarɨŋí̵ nɨwirane'ná pí pí nánɨ yarɨŋí̵ wiarɨŋwápɨ xɨxenɨ arí̵á nɨneainɨŋoɨ.” nɨyaiwirane nɨjí̵á e imónɨŋagwɨ nánɨ dɨŋí̵ rɨpɨ enɨ “Negí̵ yarɨŋí̵ wiarɨŋwápɨ rɨxa neaimónɨnɨ.” yaiwipaxí̵rɨnɨ. 16 Ámá gɨyí̵ gɨyí̵ xexɨrí̵meáyí̵ wo í̵wí̵ aní̵nɨmɨxɨní̵a nánɨ mimónɨŋí̵ bɨ e'agɨ nɨwɨnɨro Gorɨxo yokwarɨmí̵ owiinɨrɨ yarɨŋí̵ nɨwirónáyí̵, Gorɨxo wigí̵ yarɨŋí̵ wíí̵ápɨ arí̵á nɨwirɨ í̵wí̵ aní̵nɨmɨxɨní̵a nánɨ mimónɨŋí̵ bɨ e'omɨ dɨŋí̵ nɨyɨmɨŋí̵ imónɨŋí̵pɨ uŋwɨrárɨní̵árɨnɨ. E nɨsearɨrɨ aí í̵wí̵ ámá aní̵nɨmɨxɨnɨpí̵rí̵a nánɨ imónɨŋí̵ bɨ enɨ wenɨ. Nionɨ “Ámá í̵wí̵ apɨ e'í̵áyo Gorɨxo yokwarɨmí̵ owiinɨrɨ yarɨŋí̵ wiíí̵rɨxɨnɨ.” mɨseararɨŋɨnɨ. 17 Pí pí sɨpí ámá yarɨgí̵ápɨ ní̵nɨ í̵wí̵ yarɨgí̵ápɨ imónɨŋagɨ aiwɨ nɨpɨnɨ aní̵nɨmɨxɨnɨpí̵rí̵a nánɨ mimónɨŋagɨ nánɨ rarɨŋɨnɨ.

18 Nene nɨjí̵á re imónɨŋwɨnɨ, “Ámá Gorɨxo xegí̵ tɨmeaŋí̵nɨŋí̵ imónɨgí̵áyí̵ í̵wí̵ ne'ra warɨgí̵ámanɨ. Gorɨxo emeaŋo —Xewaxo nánɨ rarɨŋɨnɨ. O ámá ayo píránɨŋí̵ umearɨŋagɨ nánɨ sɨpí imónɨŋo wí xwɨrí̵á wikɨxearɨŋí̵manɨ.” 19 Nɨjí̵á re enɨ imónɨŋwɨnɨ, “Ámá xwí̵á tí̵yo dáŋí̵ —Ayí̵ Gorɨxomɨ dɨŋí̵ mɨwɨkwí̵roarɨgí̵áyí̵rɨnɨ. Ayí̵ ní̵nɨ sɨpí imónɨŋomɨ ínɨmɨ wurí̵nɨŋagí̵a aí nene ámá Gorɨxoyá imónɨŋwɨnɨ.” 20 Rɨpɨ nánɨ enɨ nɨjí̵á imónɨŋwɨnɨ, “ ‘Ŋwí̵á nepaxɨŋí̵ imónɨŋo, ayí̵ Gorɨxorí̵anɨ?’ wiaiwianɨ nánɨ xegí̵ xewaxo nene tí̵ámɨnɨ nɨbɨrí̵ná o nánɨ nɨjí̵á neaiapɨŋí̵rɨnɨ. Nene rɨxa xegí̵ xewaxo Jisasɨ Kiraiso tí̵nɨ nawínɨ nimónɨrane nánɨ xano, Ŋwí̵á nepaxɨŋí̵ imónɨŋo tí̵nɨ enɨ axí̵pɨ nawínɨ imónɨŋwɨnɨ. O enɨ Ŋwí̵á aga nepaxɨŋí̵ imónɨŋorɨnɨ. Dɨŋí̵ nɨyɨmɨŋí̵ tí̵ŋwápɨ neaiaparɨŋo, ayí̵ orɨnɨ.” 21 Gí̵ niaíwí̵piayí̵ne', nene nɨjí̵á e imónɨŋagwɨ nánɨ ŋwí̵á imónɨŋí̵piamɨ dɨŋí̵ wɨkwí̵ropí̵rɨxɨnɨrɨ sewanɨŋí̵yí̵ne' awínɨŋí̵ meŋweání̵í̵rɨxɨnɨ.